Lirik Lagu Apo Nak Di Kato – Ito ft Waris

Pado suatu haghi bojalan poie pokan
Barang dapur abih budak kocik mintak makan
Walau takdo dayo tapi totap mengiyokan
Kok nanti kobulur awak jugak disalahkan

Dan dalam perjalanan terjumpo kawan lamo
Lamo tak bersuo botahun dah tak jumpo
Kawan ajak minam banyak yang nak dicoghito
Sompek bual panjang tak cemburu dek maso

Kawan tu kojo gomen kawan ni kojo pomen
Kojo bancuh simen ado yang jual insurans
Ado yang sedio kayo tapi budi bahaso miskin
Bughak pasal oghang diri sendiri jangan isen

Bilo sonang ghamai ngaku sepusat sepusing
Maghin maso susah takdo sapo amik pusing
Kisah poie pokan sampai lupo yang lain
Sobolum kuar ghumah jangan lupo mintak izin

Poi pokan naik basika
Tongahari tongah paneh
Apo dayo motong gotah
Apo nak dikato
Kalau buleh nak jadi cikgu sekolah
Kek Kualo Pilah

Sawah lebar kobau banyak
Air perigi sojuk sekali
Sunyi sopi takdo orang
Apo nak dikato
Kalau buleh nak bising-bising
Macam pokan Tampin

Tanak nasik bogheh kampung
Masak lomak cili api
Mesin padi takdo laie
Apo nak dikato
Ramai orang dah kojo kilang
Kek pokan Soromban
(bukan pokan laie tu doh, dah jadi bandar)

Somban duo banyak mat saleh
Kito buleh monoghimo zaman dah canggih
Tumpuan ramai boli boleh santai
Badan dah angek elok mandi sungai

Kek Ulu Bondul bermandi mando
Kok boghani masuk taman ular sawo
Gomakan aktiviti panjek Gunung Angsi
Tobuan tanah sembunyi kono hati-hati

Kemanosajo ekau poie
Jalan sanun sinun sampai sakit kaki
Buek lagu bukan sekadar untuk anak nogori
Untuk yang hati mudo api tak padam laie

Kuek bokojo jaghang mintak cuti
Elok jalan jauh ko luar nogori
Nampak perbezaan kolobihan kokurangan
Lahir ghaso syukur monjadi anak watan

Batu Ompek Toluk Komang
Tompek oghang mandi mando
Hari minggu ponoh sosak
Apo nak dikato
Air laut botambah masin
Kek pantai Port Dickson

Video Klip Lagu Apo Nak Di Kato – Ito ft Waris Lirik Lagu Apo Nak Di Kato - Ito ft Waris